Gin-dismiss sang Office of the Ombudsman ang criminal kag administrative cases batuk kay Mayor Marvin Malacon kag siyam ka mga opisyales sang EB Magalona bangud sang kakulang sang probable cause kag substantial evidence.
Ang reklamo ang gin-file ni anay EB Magalona Vice Mayor Robert Acaling sa pagsupak sang Republic Act 3019 may angut sa illegal use of public funds or property kag Republic Act 6713 for dishonesty, grave abuse of authority and grave misconduct.
Sa press conference sang Lunes ginsiling ni Mayor Malacon nga nahatagan sila sang hustisya angut sa sala nga mga akusasyon batuk sa ila. Sang October 2018 suno sa Ombudsman nag file sang affidavit of desistance si Acaling matapos ginsiling sini nga indi na siya interesado pa mag padayon pa sang mga kaso.
Pero ang Joint Resolution sang Ombudsman sang mga kaso nga gin file ni Acaling ang na release sini lamang nga tuig.
Suno kay Malacon siya kag ang iya mga co-respondents ang naga tuon sang pagpasaka sang kaso batuk sa mga yadtong nagpadayon sang kaso bangud man sang huol nga natuga sini sa ila kag pagguba man sang ila nga reputasyon.
Ang mga reklamo batuk sa ila ang gin file antes sang election nga nag guba nag guba sang ila reputasyon.
Na dismiss ang kaso batuk kay Malacon, Municipal Treasurer Riza Gumban Diaz, anay budget officer Jessilyn Castillo Plaza, Sangguniang Bayan Members Joey Hechanova Pugales, Reylan Villarias Gamboa, Isidro Sellado Gomed Jr, Eric Dequina Matulac, Gelita Singuay Parcon kag Jovy Marcial Madayog kag Punong Barangay Leah Beri sang Tanza.
Ginreklamo sila ni Acaling nga nag conspire sa pag endorse sang resolution nga naga grant sa alkalde sang authority to sign a memorandum of agreement nga wala sang naga kaigo nga deliberation ukon discussion.
Suno sa Ombudsman ang pag grant sang authority to sign sa alkalde kag pag disburse sang financial assistance ang nag agi sang nagakaigo nga deliberation.