Ginpanginbulahan ni Negros Occidental Governor Eugenio Jose Lacson ang pamuno sang Economic Enterprise Development Department sang gobyerno probinsyal sa iya sini appointment bilang City Administrator sang Bacolod.
Suno kay Lacson, kasunod sang amo nga development ila pa nga talakayon kun sino ang mahimo nga maga bulos sa nabakante nga position ni Lucille Gelvolea nga pamuno sang amo nga departamento.
Suno kay Lacson nakasugilanon na sila ni Gelvolea antes pa man ang announcement subong nga adlaw ni Bacolod Mayor Albee Benitez nga si Gelvolea ang mangin city administrator sang Bacolod.
Nangin maayo ang trabaho ni Gelvolea sa EEDD suno kay Lacson kag ang pagkuha sa iya ni Benitez ang naga pakita sang kapasidad sang mga empleyado sang gobyerno probinsyal.
Suno kay Lacson si Gelvolea ang nagdesisyon nga maga retiro sa serbisyo.