Economic Enterprise Development Department head sang Provincial Capitol nga si Lucille Gelvolea ginhingadlan nga mangin city administrator sang Bacolod Nangin kaupod na anay ni Mayor Albee Benitez si EEDD head Lucille Gelvolea bilang katapo sang Incident Management Team sang mag peak ang pandemic.
Si Gelvolea ang nangin Consultant for Special Projects and Economic Affairs man sang siudad. Nangin anay OIC-provincial administrator man siya kag pamuno sang Office of the Provincial Agriculturist sang Negros Occidental.
Gani para sa alkalde nagakaangay siya nga mangin city administrator.
Ugaling natalana pa lang nga magaretiro si Gelvolea sa kapitolyo kabangdanan nga sarang ma-delay ang iya mangin appointment.
Tinguhaan naman sang alkalde nga hingagaw ini nga matigayon sa Disyembre 1.
Si Gelvolea ang magatal-us kay Atty. Pacifico Maghari III nga nag resign sang Nobyembre 1.