Dugang nga Show Cause Order ang ginserbe sang Comelec kag karon ini sa isa ka kandidato sa siudad sang Sipalay may angut sa pre-mature campaigning kag reklamo sa ‘kontra bigay’.
Suno kay Atty Ian Lee Ananoria ang provincial elections supervisor sang Negros Occidental, ang reklamo nag gikan sa ila talatapan sa Manila kag sila ang nagserbe lamang. Sang nagligad nga semana nagserbe man ang Comelec – Bacolod sang Show Cause Order sa isa ka kandidato angut sa pagsupak sang pre-mature campaigning.
Magluwas sini, naka baton man sang reklamo ang COMELEC angut sa paglapas sa kontra bigay batuk sa duha ka kandidato sa siudad sang Cadiz.
Magluwas sa mga hotline suno kay Ananoria sarang man makabaton mismo ang talatapan sang Comelec sa mga banwa kag siudad sang reklamo may kaangtanan sini nga eleksyon. Suno kay Ananoria, seryoso ang pamunuan sang Comelec sa kampanya sini.