Sa isa ka video message ginsiling sang legal counsel ni anay Negros Oriental Congressman Arnolfo Teves Jr., nga si Atty. Ferdinand Topacio nga sadtong Setyembre 16, las nuebe sang gab-i may mga armado nga persona nga naka bonnet ang nagsulod sa propiedad sang anay kongresista sa Sitio Tinastasan, Barangay Malabugas, Bayawan City sa Negros Oriental.
Suno kay Topacio may gina pangita ang may kapin sa napulo ka armado sa amo nga propiedad.
Dugang pa niya, gingapos kag gintutukan sang armas nga mga tawo sa lugar.
Nagpangutkot sila tubtob las onse sang gab-i pero wala man sila sang may nakita.
Ginpa blotter na ini sang kampo ni Teves kag suno sa abogado isa naman ini ka sahi sang political harassment kag ila ini nga gina kondena.
Suno pa kay Topacio napierde ang gobyerno sa kaso nga pagpabalik sa Pilipinas kay Teves pero suno sa DOJ na delay lang ang pagpabalik sa anay mamalidha.