Nasapwan sang manugtapas sa sulod sang kampo sa Hacienda Bernabe, Barangay Salvacion sa banwa sang Murcia, ang kalabera sang tawo, Sabado nga adlaw.
Ginapatihan nga isa ini ka lalaki base sa narekober nga color blue nga brief.
Ginsiling ni Police Captain Honey Labaro, hepe sang Murcia PNP, gindala sa punerarya ang kalabera agud nga makakuha sang sample ang Scene of the Crime Operatives, enkaso nga may mag-claim sa palaabuton.
Suno kay Labaro, kun wala sang may mag-claim matapos ang duha ka adlaw, ila na lamang ipalubong ang kalabera.
Wala naman sang may na-record nga missing sa banwa sang Murcia kag mga kaiping nga lugar, suno pa kay Labaro.