![](https://i0.wp.com/digicastnegros.com/wp-content/uploads/2024/06/image-96.png?resize=640%2C360&ssl=1)
Kakulang sang heath personnel, pasilidad kag pagpasanyug sang health insurance system gintagaan atensyon sa Health Summit.
Halin sa sweldo kag benepisyo sang mga health personnel ang gintalakay agud masolusyunan ang problema sa kakulang sang nurses kag pati na clinical instructors sa nahauna nga Health Summit nga ginpatigayon sang Bacolod LGU.
Kaupod ang tagdumalahan sang mga ospital gintagaan atensyon ang kakulang sang pasilidad kag kun paano mapasanyug ang health services.
Ginsiling ni Mayor Albee Benitez nga paagi sa health summit mapatpat ang mga pagsulundan sa tuyo nga mapabaskog ang programa bahin sa health system.
Dugang diri ang pagpasanyug sang health benefits kag insurance system nga labi nga ginakinahanglan agud mabuligan ang mga indigent patients.
Ang summit kabahin sang pagpanghanda sang siudad sa natalana nga pag-operate sang ginatukod nga Bacolod City General Hospital kag sang pagtukod sang dugang nga lima pa ka mga mini hospital sa Barangay Alijis, Cabug, Mandalagan, Bata kag Banago.