Kakulang sang judicial forms sa Register of Deeds kabangdanan sang binulan na nga backlog.
Indi magnubo sa masobra isa ka libo nga transaction para sa issuance kag annotations sang land title ang backlog sang Registry of Deeds humalin sang nagligad nga Disyembre.
Ginkumpirmar ni concurrent provincial kag city register of deeds, Atty. Raymond Danico nga ang delay ang tuga sang kakulang sang judicial forms nga gikan sa Bangko Sentral ng Pilipinas. Resulta sini ang backlog sa releasing sang mga certificate sang mga titulo sang duta.
Ginsiling ni Danico nga ang backlog ang epekto man sang nagabaskog nga construction boom sa probinsya ilabi na Bacolod kung diin nagadamo ang ginatukod nga infrastructure projects, mga subdivision pati na relocation areas.