Kahalitan sa agrikultura nga dala sang habagat nga ginpabaskog sadto ni Bagyo Crising ang nadangat sa 44.4 million pesos.
Ini base sa July 22 nga report sang Regional Disaster Risk Reduction Management Council.
1,784 ka mga mangunguma ang apektado.
Nagdangat sa 1,332 metric tons ang production loss.
Samtang, 22.5 million pesos naman ang balor sang assistance nga tigayon nga na-release.
Suno kay Office of the Civil Defense Regional Director, Donato Sermeno, III, nalakip na diri ang mga assistance nga na release sang tagsa ka local government unit, provincial government kag national agencies sa food and non-food items.
Ang Negros Occidental PSWD lamang mga 1.9 M pesos ang balor sang assistance nga na-release.
Padayon sa karon ang pag pamutos sang para sa food packs bilang pag panghanda enkaso nga may ma apektuhan naman sa malain nga panahon.
Padayon nga gina paandaman ang mga pumuluyo sa pag tupa sang mabunok nga ulan nga mahimo maga tuga sang pag baha karon nga may duha ka bagyo kag isa ka LPA sa pungsod.