Blangko pa tubtob karon ang Police Station 7 sa kun ano ang motibo sa pagpatay sa Kagawad sang Barangay 14 nga si Rhouele Martir.
Nagapungko lang si Martir upod ang iya misis las sais sini lang nga gab-i sa gwa sang ila balay sa Lumina Subdivision sa Barangay Vista Alegre sang siya ang gin palapitan sang tatlo ka mga gunman kag gintiro.
Suno kay Captain Elmer Bonilla, commander sang Police Station 7, sakay sa blue nga salakyan ang mga suspek nga ila gin ginbilin sa bangga antes sang balay sang kagawad. Matapos ang pagtiro sila ang nagbalik man sakay kag gilayon nagdalagan pa gwa sa pihak nga gate sang subdivision.
Wala pa sang identity karon ang PNP sa mga suspek.
Ang ugangan sang biktima nga si Arlyn Escudero nagpahayag man nga maayo gid nga tawo ang iya umagad kag wala ini sang kaaway gani mismo sila wala man kabalo kun sin-o ang may kahimuan sang krimen.
Padayon karon ang imbestigasyon sang kapulisan.