Ginbisita sang Regional Incident Management Team sang Negros Island Region ang mga internally displaced persons sa Kanlaon affected LGUs sang nagligad nga semana.
Suno kay Office of the Civil Defense director, Donato Sermeno, III, ini kasunod man sang report nga napadangat sa ila nga talatapan nga may mga IDP nga padayon nga naga sulod sa 4km permanent danger zone apesar sang abiso sang PHIVOLCS sa tunga man sang Kanlaon activities sa karon.
Suno kay Sermeno na-verify man nila nga wala naman sang may naga balik pa sulod sang 4km permanent danger zone ukon PDZ.
Damlag pa nag pa gwa sang panawagan ang Canlaon LGU nga ipaiway ang pagsulod sa 4km PDZ.
Suno kay Sermeno, natukiban nila nga mas nag diutay na karon ang mga IDP nga yara sa mga evacuation center bangud ang iban sa ila ang nagpuyo na sa ila nga mga paryente.
Sa La Castellana damlag pa may 61 ka pamilya nga gin-evacuate gikan sa 4km PDZ, karon tatlo na lamang ka pamilya.
Canlaon City nga sadto anay 47 families, 16 families na lang ang yara sa evacuation center.
Pero suno kay Sermeno ini sila sa gihapon ang hatagan sang priority para sa relocation.
“Tagaan sila sang priority for relocation. Amo pa gid na ang question kun willing sila didto magkadto to. May social preparations na nga obrahon”, suno kay Sermeno. *
[sibwp_form id=1]