Gina lauman sang DepEd – Negros Occidental Division nga matupungan ang kadamuon sang nag pa enrol sang school year 2023-2024.
Suno kay Ian Arnold Arnaez ang spokesperson sang Negros Occidental DepEd Division as of July 30, sa aga nga datus may mga 196,000 tubtob 200,000 ang na record nga enrollees.
Mas manubo sa 325,000 enrollees gikan sa private kag public schools nga na record sang 2023 to 2024 nga school year.
Paathag ni Arnaez isa sa mga pagpanghangkat nga gina atubang amo ang pag send sang datus sang enrollment labi na sa mga malagyo mga eskwelahan kun sa diin mahinay ang internet connection.
Subong nga first week sang klase kag may late enrollees pa gina lauman magasaka pa ang kadamuon sang enrollees.
Sa bilog nga rehiyon sais suno kay Hernani Escullar spokesperson sang DepEd Western Visayas, as of July 29 may 1,520,085 ka enrollees.
Sang nag ligad nga school year 2,012,130 ang nag enrol gikan sa pribado kag public schools humalin kindergarten padulong grade 12.
Samtang bahin sa kakulang sang classrooms kag teachers paathag ni Arnaez masami ang kakulang gina eksperiensyahan sang mga dalagko nga eskwelahan nga gina punsukan sang mga estudyante.