Sa report sang City Health Office sang Bacolod, sa morbidity week number 31 ukon sang July 27 tubtob August 2, 2025, may nagdugang nga 17 ka mga kaso sag dengue sa siudad.
Gani ang dengue cases sa Bacolod ang nagdangat na sa 671 humalin sang Enero.
Mas mataas ini sang 35% kun ikumpara sang amo man nga period sang nagligad nga tuig nga may 497 lang ka mga kaso.
Wala sang nadugang sa mga napatay bangud sang makamamatay nga balatian.
Yara sa gihapon sa 4 ang dengue deaths, tig- isa sa Alijis, Mansilingan, Vista Alegre kag Handumanan.
Nagapanguna ang Mansilingan nga may pinakamadamo nga dengue cases nga may 68, naga pangduha ang Taculing nga may 55, ikatatlo ang Tangub nga may 45 , Estefania may 44 kag ang Vista Alegre may 36.
Panawagan sang CHO, gub-on ang tanan nga posible nga lugar nga itlogan sang lamok sa sulod kag sa gwa sang balay para makalikaw sa balatian nga dala sang lamok.