Indi lang ang tuyo nga pag import sang kalamay ang dapat balabagan suno kay anay senador JV Ejercito.
Bisan ang pag import sang iban pa nga agricultural products ang makabig economic sabotage sa pagpati nga ini ang makatuga lang sang dako nga kabudlayan sa mga mangunguma sa pungsod.
Sa iya pagbisita sa probinsya, ginpahayag man sang senador nga kun matagaan sang higayon nga makabalik siya sa senado, iduso niya ang pagpatuman sang Comprehensive Infrastructure Plan Bill para mapadayon ang mga proyekto nga makabulig sa pagbangon sang ekonomiya sa pihak sang pandemya.
Igaduso niya man ang pag reporma sa Philippine Health Insurance Corporation.
Kumpyansa ang anay senador nga mangin madinalag on bilang independent candidate bisan sa pihak sang mga kabudlayan, nalakip na diri nga nagapadalagan man ang iya utod nga si anay senador Jinggoy Estrada.