Arestado sa buybust operation sang Purok Kabulakan 1, Barangay Singcang Airport kagab-i ang 30 anyos nga si Bryle Ramos nga job order sang Bacolod kag na assign sa Bureau of Fire Protection matapos ini makuhaan sang 120 gramos nga suspected shabu.
Upod nga naaresto ang iya sini upod sa balay nga si Anthony Morcilla.
Ginabulubanta naga balor sa P816,800 ang nakuha nga shabu sa duha ka suspek nga lunsay high value individual.
Suno sa CDEU, ang subject nga si Ramos ang sadto na nga nadakop may kaangtanan sa iligal nga droga kag siya ang liwat nga na monitor sang kapulisan nga naga duso sang shabu.
Kaso nga paglapas sa RA 9165 ang ila atubangon.