Gin-endorso na sang Committee on Transportation and Traffic sang konseho ang plano sa pagpatuman sang 30-day dry run para sa lima ka mga electric jeepney nga magabyahe sa green route sa Ayala Malls Capitol Central kag Bacolod City Government Center loop.
Ginpahayag ni Councilor Al Victor Espino nga kabahin sang plano ang pagtalana sang jeepney stops kag pag-install sang tracking system sa magabyahe nga e-jeepney sa tuyo nga ma-monitor sang mga pasahero ang location sang mga naga-byahe nga e-jeep sa real time.
Ang Ayala-BCGC nga green route ang ginalauman mangin ika-tatlo nga dugang nga rota sa siudad.
Gindugang ni Espino nga madasun nga magapatuman sila sang review sa Local Public Transportation Route Plan agud nga malakip ini sa mga rota sang naga byahe nga public jeepney sa siudad.