Management sang Jack & Jill Schools, Castleson High ang nag anunsyo nga permanente na nga maga sarado ang eskwelahan matapos ang 60 ka tuig.
Sa press statement sang Jack & Jill Schools, Castleson Inc., ila nga ginpahibalo sa publiko nga sa Hunyo 30, 2023 maga sirado na ang ila nga mga eskwelahan.
Ini bangud sang epekto pa sang pandemic kag ang problema pinansyal sang eskwelahan.
Sa statement giniling ni Dr. Muriel Lopez-Wagner ang Presidente sang eskwelahan nga padayon pa nila nga ginakasubo ang pagtaliwan ni Cecilia del Castillo-Lopez sang 2020 kag ila man nakita ang padayon nga pagnubo sang enrollees sa kada school year.
Bangud sang problema pinansyal igabaligya sang tagdumalahan sang eskwelahan ang school building nila.
Nagapsalamat sila sa tanan nga nangin kabahin sang eskwelahan kag gina preparahan nila ang pagsaylo sang mga estudyante sa iban nga eskwelahan.