Mga size sang itlog sang layers ang apektado sang kainiton sang panahon. Kadakuon sang broiler apektado man.
Ini suno kay Dr Placeda Lemana, ang provincial veterinarian, sandig sa ila nga monitong report bahin sa epekto sang El Nino Phenomenon sa kasapatan. Suno kay Lemana, wala na ukon diutay na ang jumbo sizes sa mga itlog. Pero klaro ni Lemana, ang kadamuon sang production indi man apektado. Dala man sa mainit nga panahon naghugos ang kadakuon sang mga broiler. Abiso nila sa mga farmers nga buhinan ang kadamuon sang manok nga gina butang sa mga balayan agudto mapahagan-hagan ang epekto sang mainit nga panahon. Ang mga ruminants naman ukon kasapatan nga naga halab sang hilamon, may mga pag hugos man bangud nga wala na sang makaon pa nga hilamon. Gina abisuhan nila ang mga farmers nga hatagan sang tubig nga may kalamay ukon molasses para may dugang nga enerhiya. Ang mga hinuptanan kaangay sang ido ang hatagan man sang tubig kag dapat mapa bugnawan.
“Wala ka na subong makita nga jumbo, gamay lang na extra large. Ang reason is that ang manok more on sa inom sa tubig sang sa makaon sila feeds. So ang nutrients nga makuha nila is indi maka produce sang nami nga quality egg nga size. Ang sa broiler ang effect sang El Nino, medyo stunted ang growth medyo hinay ang pag grow tungod sa sobra nga initi indi indi masyado mag kaon ang aton manok, more on water”, suno kay Lemana.