Ginapaabot subong nga adlaw ang pag report sang maga tal-os sa OIC-Treasurer sang banwa sang Isabela.
Ini suno kay Mayor Irene Montilla nga nag siling nga siya ang nagsulat sa Bureau of Local Government Finance nga nagahinyo sang termination ni Nenette Escarda nga naga serbe nga OIC-treasurer sang banwa bangud sang loss of trust and confidence.
As of press time gina paabot suno kay Montilla ang pag report ni Jesse Gumapas nga magaserbe nga acting treasurer sang Isabela.
Sa karon gina hulat ni Montilla ang resulta sang imbestigasyon sang PNP kag sang probinsya kasunod sang gin-report nga pag ransak sang balay ni Escarda sa Bacolod kun sa diin nadula ang cash kag mga tseke sang banwa nga iya gindala para kuntani i-deposito.
Sa report sang Commission on Audit suno kay Montilla 2.6 million pesos ang cash nga nadula kag 3.8 million naman ang sa tseke. Suno kay Montilla wala gina tugutan ang pag bitbit sang mga empleyado sa tagsa nila ka balay sang kun ano man nga iya sang gobyerno.
Ika duha may naka assign nga persona ang banwa nga amo ang mangin responsable sa pag deposito sang kwarta sang banwa. Gina pasalig naman ni Montilla nga maga panabat ang sin-o man nga responsable sa pagkadula sang kantidad nga gikan sa koleksyon sang banwa.
“Nagsulat ako ng letter of recommendation to the Bureau of Local Government Finance, BLGF requesting nga i-terminate namon ang kanyang pagiging OIC sa Isabela because of the loss of trust and confidence on the part of the municipality. So they found a replacement sa iya and gina hulat lang namon na maabot ang bag-o na ma replace sa iya”, suno kay Montilla.