Isabela IP community nangibabaw sa Indigenous Peoples Games Visayas-leg sa Bago City.
Suksok ang ila tradisyunal nga mga panapton, nagparada ang masobra sa 350 ka mga katapo sang IP community sa pagbukas sang nahauna nga IP Games Visayas-leg sa Bago City.
Ang mga IPs gikan sa 17 ka mga LGU ang nag-compete sa mga tradisyunal nga hinampang kasubong sang kadang, tumba patis, pana, bangkaw, bayo gisig, galing mais kag iban.
Ang banwa sang Isabela ang nangibabaw sa tatlo ka mga traditional sports event.
Ginsiling ni Philippine Sports Commission chairman Richard Bachmann nga ang tuigan nga IP Games nga nasugdan sang 2018 ang nagatuyo nga mapasanyog ang sports sa tanan nga katapo sang sosyodad ilabi na ang mapasiguro nga mapangapinan ang tradisyon kag kultura.
Para kay Bago City Mayor Nicholas Yulo ginalauman nila nga paagi sa IP Games mas mapasanyog pa ang sports tourism kag madamo pa nga mga lokal nga atleta ang sarang makilala kag posible masunod nga magatigluwas sa pungsod sa mga international competitions.