Maga papili sa mas mataas nga position si Vice Mayor El Cid Familiaran. Kun bala bilang alkalde ukon congressman sang Bacolod sa karon ang indi pa mapat-od.
Sa Lakas-CMD nga general assemby sa atubang sang katapo sang media, ginbayaw ni Abang Lingkod Partylist, Congressman Stephen Paduano ang kamot ni Vice Mayor El Cid Familiaran. Ginsiling ni Familiaran, nga ginahulat niya man ang mangin desisyon ni Mayor Albee Benitez. Pero iya ginsiling nga siya ang nag hatag sang commitment sa alkalde nga indi siya maga papili kontra kay mayor Albee. “In the next few days lantawon ta. I promised Mayor Albee nga indi ko magkontra sa iya”, suno kay Familiaran.
Ginsling naman ni Congressman Paduano, nga siya ang maga suporta kay Vice Mayor El Cid kag iya na damlag pa napahibalo sini si Mayor Albee. Maga papili sa idalom sang Lakas -CMD si Vice Mayor El Cid.
“Naghambal na ko ya since last year. I talked to Mayor Albee na about the politics in Bacolod City and I am endorsing El Cid Familiaran, whatever position he will run”, suno kay Paduano.
Ginklaro naman ni Familiaran nga wala naistoryahan ang pulitika sa Italy sang sila ang nag tambong sa Terra Madre Salon de Gusto 2024 Slowfood Network event.
Madamo sang nagahulat sang mangin dalagan sang pulitika sa Bacolod. Kun enkaso nga matabo gid man nga maga kontrahanay sila ni Congressman Greg Gasataya nga iya man pariente kag wala man sang ano man nga malain sa tunga nila, mangin isa ini nga friendly competition suno kay Familiaran.
“Si Cong Greg is a distant relative and wala ko animosity with him. (but in case magkontrahanay?) it will be a friendly competition”, suno kay Familiaran.