May yara na sa karon sang person of interest ang Police Station One angut sa kamatayon ang 17 anyos nga dalagita nga si alias Freya.
Suno kay Police Captain Francis Depasucat, ang hepe sang Police Station 1, sa paglantaw nila isa tubtob duha ka mga persona ang nagpatay sa biktima.
Kahapon pasado la una sang hapon sang masapwan sang isa ka tricycle driver ang bangkay sang biktima sa kakugnan sa likod sang Pope John Paul, II tower sa Reclamation Area sa Bacolod nga sakop pa sang Barangay 12.
Wala na sang shorts ukon delargo kag wala man sang underwear ang biktima sang masapwan kag naka blue nga t shirt nga uniform niya sa isa ka construction supply store kun sa diin isa siya ka trainee.
Nakahigot ang iya nga mga kamot.
Pinaagi sa iya t-shirt nakumpirma sang mga pulis sa mga empleyado sang construction supply store nga siya si alias Freya.
Padayon ang imbestigasyon sang PNP sa kaso kag ila gina tutukan sa karon kun sanday sino ang iya nga mga kaupdanan antes nasapwan ang iya nga bangkay.
Ginapang isa-isa man sang pulis ang mga CCTV malapit sa lugar.
Nagtanyag si Mayor Greg Gasataya sang P100,000 nga reward money sa makatudlo sa suspek.