Isa pa ka bangkay sang lalaki ang nasapwan kahapon sa siudad sang Talisay. PNP gina tan-aw ang posibilidad nga may kaangtanan ang tatlo ka mga kaso kun sa diin nasapwan patay ang tatlo ka persona sa nagkalain lain nga lugar kahapon.
Matapos masapwan kahapon sang aga ang bangkay sang duha ka persona sa Reclamation Area sa Bacolod kag isa sa Barangay Blumentritt sa Murcia.
Isa pa ka persona ang nasapwan nga patay kahapon sa kakahuyan sa Barangay 1 sa siudad sang Talisay.
Ang biktima amo si Bryan Barredo, 24 anyos. Suno imbestigador, posible nga gin haboy lang didto si Barredo kag sa lain nga lugar siya gin patay bangud sa wala sang may nakita nga dugo sa area.
Gin pahayag naman ni Police Lieutenant Abegael Donasco, spokesperson sang Negros Occidental Police Provincial Office nga naga coordinate na ang Talisay PNP, Murcia PNP kag Police Station 2 sa Bacolod angut sa tatlo ka mga bangkay nga nasapwan kag kun bala may kaangtanan ini.
“We look at everything naman sir no as possible gid sir, te kay gina check man naton tanan angles nga possible and since parang simultaneous siya bala sir nga nakita within the day, so we’re looking nga possibly related ni siya.”