Isa ka Osprey nga pispis nga isa ka sahi sang raptor bird ukon mas kilala nga sea hawk, ang na nasambod sa burador ni Denmark Francisco sang Marso 1 sa Barangay Punta Mesa sa Manapla.
Iya ini nga gin-turnover sa Municipal Agriculture and Fishery Office sang Manapla.
Ang Municipal Agriculturist sang banwa nga si Alejandro Malijoc ang nag coordinate sa Community Environment and Natural Resources Office (CENRO) Cadiz City para makilala ang sahi sang pispis
kag mabal-an ang iya nga kondisyon.
Nakit-an nga may pilas ang iya sini nga pakpak.
Gindala ini sa Cadiz City Veterinary Office para mabulong kag sa karon naga pabilin sa ila nga custody.
Ang DENR CENRO Cadiz ang naga haylo sa publiko nga mangin mabinantayon sa iligal nga pag baligya sang kasapatan ilabi na karon nga gina saulog ang Wildlife Day Celebration.