Shadow

Preventive suspension sa 2 ka PHRMO employees sang Kapitolyo gin-recall

Preventive suspention batuk sa pamuno sang Provincial Human Resource Management Office kag isa pa gid ka empleyado ang gin-recall.

Gin-aprobahan ni Governor Eugenio Jose Lacson ang rekomendasyon ni Provincial Legal Officer Alberto Nellas, Jr., ang pag bawi sang 60 day preventive suspension batuk kanday OIC-PHRMO Felomina Gozon kag empleyado nga si Daidie Lopez.

Suno kay Nellas, matapos nga ginserbe kahapon sa ila ang formal charges para sa Falsification of Official Document kag Dishonesty lakip ang pagpaidalom sa ila sa suspension, sila ang nagpadulong sa iya nga talatapan.

Ila nga ginpaathag nga humalin pa man sang ginpapanaugan sila sang show cause order sila ang naghatag sang ila nga kooperasyon kag wala sila sang may ginbuhat bahin sa pag impluwensya sa mga saksi ukon matandog ang ebedensya.

Ang tuyo sang preventive suspension amo nga mapaiway ang ano man nga impluwensya nga mapatuman sang mga gina imbestigahan sa kaso.

Wala man sang may nakita suno kay Nellas sa bahin sang duha nga ma impluwensiyahan nila ang pagpangusisa. Padayon ang imbestigasyon sa ila nga kaso.

“For humanitarian consideration, we will recall the preventive suspension but the investigation will continue”, suno kay Lacson.

Ang duha suno kay Nellas ang retirable na.

Secured By miniOrangeSecured By miniOrange