Katapo sang New People’s Army ang napatay sa engkwentro.
Sa may Sitio Caranawan sa Barangay Amontay sa banwa sang Binalbagan nagluntad ang engkwentro sa tunga sang katapo sang 62IB kag lima ka mga katapo sang NPA kaina sang aga.
Isa ang gin-report nga napatay sa bahin sang NPA.
Sa press statement sang Philippine Army may nag report sa ila nga mga residente sang lugar nga may mga NPA nga naga pangilkil sa mga pumuluyo sa amo nga lugar gani ila ini nga gin respondehan.
May nakuha nga mga armas kag pagkabutang sang NPA sa lugar. Yara man sa area ang army bangud sa ila padayon nga monitoring sa posible nga aktibidad para sa ila nga anibersaryo sini nga Disyembre.