Kinahanglan mo mag grocery pero indi ka makahalin sa imo nga balay kay may bata nga naga eskwela online, may indi ka mabayaan nga digamo ukon wala ka na oras sa kadamo sang ulubrahon!
Ini ang masami nga nagakatabo sa aton sa karon nga may pandemic gani may isa ka local grocery store nga naka pamensar sang pamaagi nga mangin mahapos para sa tanan ang pag grocery.
Ang KJ Fairmart ang may yara na sa karon sang online shopping. Nahangpan nila ang gina batyag sang iban sa aton nga nahadlok pa magwa. Suno sa ila nga marketing officer nga si Angela Lee, sa tunga sang pandemic ini ang ila napsenaran nga ideya.
Pwede ka makapili kun ikaw ma pick up sang imo groceries pwede man mapa deliver. Local delivery service prodviders ang naga dul-ong sang ila nga mga groceries para mabuligan man ang local business sa sini nga panahon sang krisis.
Wala sang kinalain sa presyo sang groceries, delivery fee lang ang idugang kag pwede man magamitan sang credit card.
Apat man nila ka bulang nga gin tun-an kag gin develop ang sistema para mangin masulhay ang proseso sang online shopping sang mga customer.
Bilang isa ka local business kag bag-ohan sa digital marketing aminado si Angela nga kadamo pa sila sang dapat nga matun-an. Gani padayon sa gihapon ang ila nga pagpangita sang pamaagi para mas mapa hapos pa gid ang sistema para sa mga consumers. Sa subong sa Bacolod pa lang sila naga deliver kag naga pa pick up sang groceries kag amat amat na ini nga gina amag sang mga bumalakal.
Nagalaum sila nga sa indi madugay ila naman ini matanyag sa ila nga mga customer sa gwa sang Bacolod.