Humalin sang aga nangin masako ang mga empleyado sang ini nga gas station sa Circumferential Road sa Barangay Alijis sang magpinarik parik sa pagpatughong ang mga drayber.
Ang jeepney driver nga si Nonoy nangayaw pa halin sa Barangay Mansilingan sang mahibaluan sa social media nga nag rollback sa presyo sang produkto petrolyo ang bag-o bukas nga gasolinahan.
Gin-anunsyo sang Petro Gazz sa social media ang lima ka pesos kag otsentay sinko sentimos nga buhin sa kada litro sang diesel.
Tres pesos kag sisenta sentimos naman ang buhin sa kada litro sang gasolina.
Ang price adjustment ang magalawig tubtob Marso trese.
Sa karon nagahamboy sa masobra sisenta pesos ang per liter sang diesel kag masobra naman sa sisentay sinko pesos ang presyo sang gasolina sa iban nga mga gas station sa Bacolod.