Shadow

26 ka pamilya gin evacuate bangud sang pagbaha sa Bacolod

YouTube player

Wasak ang puluy-an sang Pamilya Casilao sang matiphagan sang pader sang Bacolod Girl’s Home nga malapit sa idalom sang Taculing-Alijis bridge kaina sang aga.

Istorya ni Jocelyn Casilao, manugsaylo na sila kuntani sa ibabaw sang taytay sang magsaka ang tubig baha sa Magsungay River sang gulpi lang natiphag ang pader kaina sang kaagahon.

Ang iya bana nga si enemecio ang nag-agom sang mga bagras sa lawas kag mga tiil tungod sang insidente.

Sila karon ang temporaryo nga nagapuyo sa ila kaingod balay.

Sa video nga kuha ni Tey Sevilleno, makita ang madalom nga tubig baha sa Lacson Street kaina sang kaagahon. Indi na kitaon ang hagdanan sa mayfair plaza bangud sang baha.

Ang ini nga gas station, natabunan man sang tubig baha.

May ginreport nga nga pagbaha sa highway sang Singcang-Airport kag Magsaysay.

Gani kagab-i pa lang gin-evacuate na ang 25 pa ka mga pamilya tuga sang baha sa Barangay 39.

Kadam-an sa ila ang natagaan sang relief packs antes tigayon nga nakabalik sa ila mga puluy-an sang magtahaw ang baha.

Suno kay Joemarie Vargas, cluster head sang DRRMO, nagluntad ang baha tuga sang mabaskog nga bubo sang ulan kagab-i.

Gani ginpatuman ang preemptive evacuation sa barangay agud nga mapaiway sa peligro ang mga pamilya nga nahalitan sang baha.

Secured By miniOrangeSecured By miniOrange