Maga patigayon ang Department of Trade and Industry sang intensified monitoring sa presyo sang basic necessities sa banwa sang La Castellana.
Suno sa pamuno sang DTI sa Negros Occidental, Engr Lynna Joy Cardinal, humalin pa sang Martes nagpatigayon na sila sang monitoring sa presyo sang nagapanguna nga balaklon kaangay sang sardinas, noodles kag gatas kag wala man sila sang may nakit-an nga pagsaka sa mga presyo sini.
Palaanggiran nila ang presyo sang sini nga balaklon isa ka bulan antes pa natabo ang paglupok sang bulkan.
Nagpatigayon man gani sila sang monitoring sa mga kaiping nga banwa kag siudad sang La Castellana.
Pero bwas maga dugang sila sang personnel para mas mapabaskog ang price monitoring. Bangud nga nag declare sang state of calamity napatuman sa karon ang price freeze sa banwa nga magalawig sang 60 ka adlaw.
Ginreklamo man ang pagsaka sa presyo sang face mask sa La Castellana, suno kay Cardinal wala na ini sa jurisdiction sang DTI magluwas lamang kun sila ang makabaton sang advisory nga ilakip ini sa monitoring.
“Immediately after sang declaration ma take effect ang price freeze. Ma intensified monitoring kami sa La Castellana. Daw mas damo mas nga dugang nga staff to monitor. Kay subong ang amon gina saligan didto is ang business counselor nga na assign didto”, suno kay Cardinal.