Sa inisyal nga report sang Office of the Provincial Agriculturist may 9.9 million pesos ang balor sang kahalitan sa pananom tuga sang volcanic eruption.
Sa report sang OPA kay Governor Eugenio Jose Laccson, 8.5 million pesos ang kahalitan sa high value crops, 1.3 million pesos naman sa palay kag masobra sa 122,000 pesos sa maisan.
Suno kay Dina Genzola ang OIC-Provincial Agriculturist, ang ash fall kag lahar nagtuga sang kahalitan sa pananum sakop sang Camandag, Manghanoy kag Sag-ang sa La Castellana kag may mga pananum man sa La Carlota City suno sa iya ang naapektuhan.
Ginsiling man sang Regional Director sang Office of the Civil Defense nga ang mga kasapatan apektado man bangud ang ila nga mga halalban na-igo man sang ashfall.
Samtang, ginsiling naman ni Bacolod Mayor Albee Benitez nga ang staff ni Speaker of the House Martin Romualdez ang nag pakig-angut sa iya para sa pagbisita para mag assess kasubong man mag hatag sang support kag assistance sa mga apektado sang paglupok sang bulkan Kanlaon.
Ginapaabot si Romuladez maga bisita.