Pilason ang 44 anyos ng Indian National matapos nga gintiro sang duha ka mga wala makilal-an nga supetsado Biyernes sang gab-i sa Charmaine Village, Brgy. Poblacion 1 sa siyudad sang Sagay.
Sa imbestigasyon sang Sagay PNP, nagasakay ang biktima sa iya nga motorsiklo kag sang nag-abot sa gate sang iya nga apartment, gintiro ini sang mga suspetsado nga naga bantay na nga daan sa madulom nga bahin sang lugar.
Naigo sang bala ang tiil sang biktima sang wala pa nahibaluan nga kalibre sang armas.
Gilayon naman nga nagpalagyo ang mga suspect.
Yara na sa estable nga kondisyon ang biktima kag padayon pa ang imbestigasyon sang kapulisan kun ano ang motibo sa pagpaniro kag kun sino ang may kahimuan sini.