Pilason si Aldren Mercado, matapos nga ini ang matiruhan sang gwardiya sa gasolinahan sa National Highway sa Brgy. 1 sa San Carlos City kaina sang kaagahon.
Kaupod niya si alias Singh, isa ka Indian National pareho sila nga mga residente sang Sagay City.
Suno sa kay Police Captain Honey Labaro ang Deputy Chief of Police sang San Carlos City PNP, nakabaton sila sang tawag gikan sa gasolinahan parte sa natabo kag ang mga suspek naga-angkasanay sa motor.
Gilayon nga naka responde ang PNP kag nakita si Mercado nga pilason kag may igo sang bala sa ulo samtang si Singh gilayon man nga naaresto sang SWAT Team sa Brgy. 4 sa hot pursuit operation.
Dugang pa sang pulis, ginsulod ni Mercado ang cashier kag ginkuha ang masobra sa 16,000 pesos kag gilayon nga ginpalukpan ang gwardya apang nakabalos ini kag naigo si Mercado sa ulo kag padayon nga gina bulong sa ospital.
Gin-detain ang Indian National kag magapangatubang sila sang kaso nga robbery.