124th Philippine Independence Day ang paga dumdumon paagi sa nagkalain lain nga mga programa sa probinsya kag siudad sang Bacolod sa domingo.
Sa Bacolod City, ang anay chief presidential legal counsel nga si Salvador Panelo ang maga keynote sa selebrasyon sa Bacolod Public Plaza.
Paga pamunuan ang programa nanday Mayor Evelio Leonardia kag Vice Mayor El Cid Familiaran kun sa diin pag katapos sang flag raising ceremony may yara sang traditional nga wreath laying sa monument of the unknown soldier.
Sa Capitol Lagoon naman pamunuan nanday Governor Eugenio Jose Lacson kag Vice Governor Jeffrey Ferrer ang programa.
May patigayunon man nga turn-over sang barangay insurance claims.
Tema sang 124th Philippine Independence Day amo ang “Kalayaan 2022: Pag-suong sa hamon ng panibagong bukas.”