Shadow

DOLE naga monitor kun gina patuman na gid man ang bag-o nga rate sa minimum wage

Inspection sa pagpasiguro nga mapatuman ang bag-o nga wage order ang ginapatuman sang Department of Labor and Employment.

Suno kay Mary Agnes Capigon, ang pamuno sang Dole sa Negros Occidental, Hunyo 5 pa nagsugod ang pagpatuman sang bag-o nga minimum wage order sa Western Visayas.

May 15 ka mga labor inspector sa ila nga talatapan, kag adlaw-adlaw ang ila nga regular monitoring sa pagpasiguro sang compliance.

Paathag ni Capigon, kun may mga kumbuyahan man nga naghinyo sang exemption, yara na ini sa talatapan sang Regional Tripartite Wages and Productivity Board.

75 diyas humalin sang na publish ang wage order sadtong May 20, dapat ang mga magahinyo sang exemption ang naka file na sang ila nga petisyon suno kay Capigon.

Kun may mga luyag man nga ipadangat nga non-compliance suno kay capigon sarang ini mapadangat sa mga talatapan sang Dole ukon online paagi sa single entry approach program.

420 pesos sa karon ang daily wage sa mga kumbuyahan nga may napulo paidalom nga mga empleyado kag 450 naman sa masobra napulo.

410 pesos naman ang minimum wage sang mga agricultural workers.

Secured By miniOrangeSecured By miniOrange