Patay ang 30 anyos nga si Efraim Alinsoring matapos ini matiruhan kaina sang aga sa Barangay Ma-ao sa Bago City.
Makita sa CCTV video ang pag panaog sang suspek nga naga angkas sa motor kag iya ginsipa ang isa ka lalaki sa kilid sang dalan.
Suno sa Bago PNP, manghod ini sang biktima kag iya lang kun tani buligan ang iya utod apang hinali na lang siya gintiro sang suspek nga nag resulta sa iya kamatayon.
Nagpatigayon sang hot pursuit operation ang PNP batuk sa mga suspek pero nagapabilin sila nga at large.
Sa initial investigation sang pulis, naglalisay ang suspek kag ang utod sang biktima bangud sa parking space kag ini ang posible rason sang pagpaniro.