Mga opisyales sang Bacolod gina abi-abi ang panawagan para sa ginaduso nga Senate inquiry sa water utility.
Nanawagan na si Senate Deputy Minority Leader Risa Hontiveros nga ma-imbestigahan sa Senado ang ginakabig disadvantageous nga joint venture agreement sang mga local water distribution utility upod sa PrimeWater Infrastructure Corporation nga isa ka private concessionaire.
Ini tuga sang mga reklamo sang mga water consumer group nalakip diri sa Bacolod.
Para kanday Bacolod City Mayor Albee Benitez kag Councilor Claudio Puentevella nga pamuno sang Committee on Environment sang konseho ila gina-respeto ang amo nga tikang nga malawig na nga ginahimo sang LGU.
Suno sa alkalde ginabantayan karon sang LGU ang resulta sang review sa JVA sang Baciwa kag PrimeWater.
Gindugang ni Puentevella nga nagapadayon man ang hugot nga monitoring sang siudad sa pag-deliver sang serbisyo sang Baciwa-PrimeWater.
May 11 tanan ka mga water districts ang nagatuyo mag-terminate sang ila kasugtanan upod sa PrimeWater nga isa sa mga kumpanya nga gina panag-iyahan sang Pamilya Villar.
Nagapati si Hontiveros nga dapat na ini matagaan sang Senate Committee on Public Services magluwas sa ginaplano man nga pagpang-usisa sang Malacanang.