Negatibo sa Covid-19 virus ang 35 anyos nga iloy nga amo ang una nga Lambda variant case sa pungsod.
Suno kay Valladolid Mayor Enrique Miravalles, nag gwa na kaina sang aga ang resulta sa swab test nga ginpatigayon kahapon sa 35 anyos nga iloy kag sa iya man nga lapsag.
Pareho sila nga negatibo sa virus. Sa karon suno sa alkalde, maid-id ang pagmonitor sa ila. Damlag pa nag negative naman ang mga close contact sang 35 anyos rason nga suno sa alkalde mabudlay patihan ang ginpa gwa nga report sang Department of Health kag iya nga ginakwestion ini.
Suno naman kay Dr Glen Alonsabe, epidemiologist sang DOH Region 6, ang pagpanguisa nga ginapatigayon man karon sang Provincial Health Office ang magalakip sang back tracing, ukon pag usisa sa kun sin-o ang mga nasugata ukon nangin close contact sang 35 anyos, nga amo ang mahimo naglaton sa iya.
Wala nagakasayuran nga kay wala siya sang travel history, indi na siya sarang nga malatnan. Ginsiling na sang DOH nga ini ang isa ka kaso sang local transmission.
Ang Lambda variant sa karon gina classify nga variant of interest sang World Health Organization.
Nagapabilin nga ang pagsunod sang minimum health public standards kag pagpabakuna bilang depensa kontra Covid-19 kag sa mga variant sini suno sa DOH.