Pilason ang 38 anyos nga iloy matapos matapos nga ma hit-and-run sang isa ka tricycle sa atubang sang China Bank sa Mandalagan samtang nagatabok sa pedestrian lane las 7 sang gab i sang Nobyembre 14 samtang naga inulan.
Nag ayo ang biktima nga may lima ka mga kabataan kag may gina breastfeed pa nga lapsag nga indi lang pag hingadlan.
Nagatabok siya sa dalan sang hinali na lang nga mabungguan sang tricycle.
Nalipungan siya kag sang mabugtawan yara na siya sa sulod sang ambulansya.
May gina batyag ini karon nga minor injuries sa iya abaga kag ulo.
Luyag sang biktima manabat ang driver bangud iya gin palagyuhan ang iya responsibilidad.
Nagapanawagan siya sa mga motorista nga mahimo naka kuha sang video sa natabo nga insidente ukon sa mga mahimo naka kita sang insidente kag naka kilala sa tricycle driver nga makig angut lang sa Police Station 3 sa Bacolod.