Gintay-og sang magnitude 4.2 nga linog ang Canlaon City sa Negros Oriental kaina sang kaagahon kabangdanan nga nabatyagan man ang pagtay-og sa kaiping nga mga lugar sa probinsya.
Intensity 2 ang nabatyagan nga pagtay-og sa La Carlota City sang magluntad ang magnitude 4.2 nga linog sa Canlaon City.
Nabatyagan man ang pagtay-og sa kaiping nga lugar kasubong sang sa Bago City kag sa mga banwa sang Don Salvador Benedicto kag Murcia.
Suno kay Engr. Mari-andylene Quintia, resident volcanologist sang Canlaon Volcano Observatory, volcano-tectonic ang origin sang linog kag wala sang reported nga damages sa mga apektado nga LGU.
Ang DOST-PHILVOCS ang naka-record man sang 15 ka mga volcanic earthquakes kasunod sang mga pagtay-og kaina sang aga.
Nagapabilin sa alert level 1 ang status sang Mt. Kanlaon.
Ginklaro ni Quintia nga wala sang kaangtanan ang damlag nagluntad nga magnitude 6.8 nga linog sa General Santos City sa mga pagtay-og nga nabatyagan sa isla sang Negros.