Nabugtawan ang mga kabataan sang mabatian ang hibi sang ila pilason nga iloy sa Sitio Dangalon, Barangay Hilamonan sa Kabankalan City, Domingo sang kaagahon.
Nag-gwa sa imbestigasyon nga ginbuno sang suspek ang 33-anyos nga si alyas “Ai-Ai” sa nagkalain-lain nga bahin sang iya lawas.
Ginsiling ni Police Lt. Col. Gary Resuma, hepe sang Kabankalan PNP, may yara na sila sang “person of interest” sa krimen.
Nagakatulog ang biktima upod ang iya mga kabataan sang nagluntad ang insidente. Ang bana sang biktima ang naga-biyahe sang tricycle sa proper sang siudad.
Naabtan na lang sang bana sa iya pagpauli matapos magbiyahe, nga nagasinggitan ang iya mga kabataan kag nagapangayo sang bulig samtang ang iya asawa ang nagapungko sa salog kag duguon.
Gindala ang babaye sa ospital apang gindeklarar nga dead on arrival.
Nailo sang biktima ang iya tatlo ka mga kabataan.
[sibwp_form id=1]