Nag-overheat nga desk fan gintunaan sang sunog sa isa ka ancestral house sa Barangay Bata sa Bacolod.
Nagdangat sa P4.5 Million ang kahalitan sang sunog sa bahin sang ancestral house sa Purok Mahimaya-on, Barangay Bata sa Bacolod City, Sabado sang gab-i, Hulyo 25.
Ginapanag-iyahan sang isa ka professional shooter ang nasambit nga balay. Natabuan nga wala sang tawo ang balay sang nagluntad ang sunog.
Ginsiling ni Fire Marshal Superintendent Jenny Mae Masip nga base sa ila imbestigasyon, ang nag-overheat nga desk fan sa master’s bedroom nga yara sa ikaduha nga panalgan sang balay amo ang gintunaan sang kalayo.
Samtang, pila ka mga pusil kag bala ang nakit-an sa sulod sang puluy-an matapos ang firefighting operations, nga suno sa tag-iya, ang may yara sang nagakaigo nga dokumento kag permit.
[sibwp_form id=1]