Mga gintukod nga structures sa sulod sang Bacolod City Vendor’s Plaza ang ginpangguba sang siudad matapos ang ginpatigayon nga drug buy bust sa amo nga lugar sang Lunes.
Ginpangguba sang mga katapo sang City Legal Enforcement Team kahapon ang mga ginpatukod nga mga hayub hayub sa sulod sang Vendor’s Plaza matapos makabaton sang impormasyon nga ginahimo ini nga hukmungan sang mga nagagamit sang iligal nga droga.
Sang Lunes, walo ka mga persona ang gindakop sang Philippine Drug Enforcement Agency sa ginpatigayon nga buy bust operation.
Suno sa pamuno sang market monitoring committee sang siudad nga si Ernie Pineda may nakita pa sila nga apat ka mga sachet sang ginapatihan shabu samtang ginapangguba ang mga illegal structures.
Sang tuig 2019 ginpakaayo sang siudad ang Vendor’s Plaza para kuntani sayluhan sang mga vendors sang siudad pero wala man ini gingamit sa malawig na nga tini-on gani ginpatindugan sang mga hayub-hayub.