Sa Lunes, Hulyo 15 patigayunon ang ika duha nga Election Registration Board Hearing.
Sa ERB Hearing gina patigayon ang evaluation sang mga dokumento nga na submit sang mga nag apply nga voter registrants.
Suno kay Atty Ian Lee Ananoria ang Provincial Elections Supervisor pag katapos pa sang ERB hearing kag mapat-od kun pila naman ang maga dugang nga registered voters sa Negros Occidental.
Kinahanglan nga ma aprobahan sang ERB ang application antes pa man makabig nga ang isa ka persona registered voter na sang isa ka lugar.
Sa April 15 nga ERB hearing 19, 268 ang new registrants.
Nagakasayuran nga nagdangat na sa 1.9 million ang botante sang Negros Occidental.
Padayon ang pahanumdom sang COMELEC sa publiko nga mag parehistro na kun sila ang indi pa registered voter.
Tubtob Setyembre 30 ang voter’s registration.
“Naga sige man kami sattelite registration. Naga libot man kami sa mga barangays para diutay ang tawo sa last date. Hingagaw nga registration kay lapit na lang ang deadline”, suno kay Ananoria.
Samtang, ginapaabot sa Negros Occidental ang Regional Director sang Comelec sa idalom sang Negros Island Region upod ang iban nga regional officials.