Human rights committee sa mga kabarangayan ginaduso agud mapahagan-hagan ang nagaluntad nga krimen.
Ang mga kaso sang pagpamatay sa Bacolod, kadam-an diri mga wala pa nasolbar ang pila lang sa mga ginapatihan sarang mapahagan-hagan kun may human rights committee sa mga kabarangayan.
Nagapati si Councilor Renecito Novero nga may ikasarang ang mga barangay agud man mapunggan ang mga kasubong nga mga kriminalidad nga nagluntad sa siudad.
Gani igaduso niya sa konseho ang ordinansa agud mangin mandatory ang pagtukod sang Committee on Human Rights sa mga barangay sa Bacolod.
Si Novero nga amo ang chairperson sang Committee on Human Rights sa konseho ang natalana man magpatigayon sang seminar sa mga barangay tuhoy diri.
Sa bulig man sang komitiba nagalaum man ang konsehal nga mabuligan ang local court nga mabuhinan pati na ang mga backlog sang kaso nga dapat kuntani nasolbar sa barangay level.