Magluwas sa sibuyas, nagsaka man sa karon ang presyo sang itlog sa merkado.
Sa weekly monitoring sang Office of the Provincial Veterinarinarin, sinentimos ang saka sa presyo sang itlog sa small kag medium nga size, pero mas labing nabatyagan ang pag mahal sa extra large.
Suno kay Dr Placeda Lemana ang OIC-Provincial Veterinarian, sa Bacolod City, ang extra large nga itlog naga average sa 9.50 tubtob 10 ka pesos ang bilog.
Suno kay Analie Andrade nga naga negosyo sa Burgos Public Martket, sini nga bulan sang Enero nabatyagan ang pagsaka sa presyo.
Kun sadto maka ginansya pa sila, karon halos indi na.
May mga customer gani suno sa iya nga sa pagkahibalo sang presyo sang itlog naga paiway na lang sa pagbakal. Suno kay Lemana, may nagakaigo nga supply sang itlog sa probinsya.
900,000 tubtob isa ka milyon ang makonsumo sa kada adlaw.
Ang local production yara sa 1.2 million.
May nagasulod man nga supply gikan sa Bantayan.
Ang pagsaka sa presyo tuga sang pag mahal sang input, kasubong sang mga vitamins sa layers, nalakip man ang presyo sa produkto petrolyo.
Dugang pa niya epekto man ini sang inflation.
Wala man sang kontrol ang probinsya bahin diri, suno kay Negros Occidental Governor Eugenio Jose Lacson, naga laum siya nga may solusyon nga mapatuman ang Department of Agriculture para diri.