Titulo sa Bredco property ang wala pa ma transfer sa LGU sang Bacolod.
Pero ginpahayag sang konseho nga indi ini makaapekto sa ginasuguran nga housing project.
Sa masobra sa pitoka ektarya nga duta sa Bredco area ipatindog ang housing project sang Bacolod City kag Department of Human Settlement and Urban Development nga karon ginasuguran sang Sherman Consortium.
Pero asta subong wala pa ma-transfer ang propiedad sa local government unit halin sa Philippine Reclamation Authority. Ini karon ang ginahikot sang City Legal Office.
Suno kay Councilor Vladimir Gonzalez, chairperson sang Committee on Urban Poor, Housing and Resettlement, indi man maapektuhan ang housing project samtang ginahingagaw ang pag transfer sang lot title sa siudad.
Magluwas sa Bredco area kag Barangay Vista Alegre ginaplanuhan naman karon sang komitiba ang onsite housing project sa Barangay Felisa, Banago, Mandalagan, Cabug kag Pta Taytay para sa iban pa nga mgainformal settler families.