Nagalain ang buot ni Reynaldo Eata, pamuno sang house parent sang Bacolod Boy’s Home sa mga nagalapta nga alegasyon sa social media nga nagakagutman na ang mga kabataan sa Bacolod Boy’s Home.
Ginklaro niya nga wala ginapabay-an sang siudad ang 19 ka mga kabataan nga nagapabilin sa ila paghinakop.
Kun na delay gid man ang delivery sang pagkaon sang Abril, suno sa iya natigayon gihapon nila nga napakaon ang mga bata sang 3 ka beses kada adlaw kag may dala pa nga snacks.
May sweldo man ang 15 ka mga job order casuals kag 7 ka mga regular employees nga nagatrabaho sa orphanage.
Ginsiling ni Eata nga kun may mga empleyado man nga wala masweldohan iya ini sang pribado nga foundation kag indi na obligasyon sang siudad.
Ginkadtuan man sang crew ang opisina sang foundation para makuha ang ila bahin pero wala didto ang ila mga empleyado.