Halos puno na ang mga ospital sa Bacolod base sa datus sa healthcare capacity management sang siudad sa june 3 sini nga report kun sa diin, 87.25 percent sa mga Covid beds ang na utilize na ukon nagamit na.
Suno kay Dr Chris Sorongon ang deputy for medical data and analysis sang Bacolod EOC, sa ila nga pagsapol kahapon sa Department of Health Region 6, natalana nga magdugang ang Corazon Locsin Montelibano Memorial Regional Hospital sang Covid bed capacity city amo man sa dugang nga health care personnel. Sini nga semana ukon sa masunod ginalantaw nga ini ang mapatuman suno kay sorongon.ini ang gina lantaw nila isa sa mga tikang nga mahimo sabat sa sitwasyon sa Bacolod.
“Ang hambal nilaang sa Corazon Locsin nag request si Doc Drilon sang increase sang ila covid beds to 161. Plus ang ila augmentation gin approve ang ila request for additional 53 health care workers,” suno kay Sorongon.
Wala labot diri gina lantaw man ang hospital supervised home isolation, kun sa diin ang naga kinahanglan man sang pagtatap bangud sang ginabatyag sa covid 19 sarang mahatagan sang medikal nga atensyon sa ila nga mga balay. Pero klaro ni Sorongon ang natungdan dapat direkta nga magpakig angut sa ospital.
“They have to enrol sa ospital because they have to pay the hospital packages for them to be taken cared of for the next 14 days, home based,” suno kay Sorongon.
Gina pabaskgo man ang midway referral facilty sang siudad bilang kabahin sang step down kun sa diin ang mga na ospital ang sarang masaylo kun may clearance na sila kag didto na magtapos sang ila nga recovery para mahatagan man ligwa sa mga ospital ang mga mas nagakinahanglan pa gid sang medical attention.
Suno kay Sorongon, gina patuman na sang siudad sang swab all policy kun sa diin ang tanan nga close contact sang isa ka nagpositibo asymptomatic ukon symptomatic man ang gina swab. Ini agud to malikawan na ang paglapta pa gid sang virus.
Abiso ni Sorongon kun may mga gina batyag nga sintoma indi na mag mato mato isolate kundi mag pakonsulta para madapatan sang nagakaigo nga medikal nga atensyon. Libre ang konsultasyon sa bro amo man ang swab suno kay Sorongon.