
Nakibot ang mga residente sa Sipalay City nga nangin color pink ang white sand nga beach front sa siudad Hwebes sang aga.
Sa video nga kuha sang isa sa mga residente nga si Donna Valdez, mabatian pa ang iya pagka kibot sang makita nga napuno na sang hipon ang higad sang baybay.
Nag dagsa man ang mga residente nga nanipon sang hipon. Kada isa may bibit nga plastic, net ukon banyera para butangan sini.
Suno kay Dionilo Bogtae, ang coordinator sang DRRMO sang Sipalay City masobra sa 100 metros ang kalabaon sang shoreline ang natabunan sang mga hipon.
Ini ang ikatlo na nga adlaw sang pagdagsa sang hipon pero sang Miyerkules sang aga ang pina kamadamo nga hipon nga nagdagsa sa baybayon nila.
Ang Sipalay City sa Negros Occidental ang kilala bangud sang mga white sand beaches pero subong lang naka kita ang mga residente sang amo sini kadamo nga hipon nga natipon sa higad sang baybay.
[sibwp_form id=1]